Դեսպան Սերոբ Բեջանյանի հավատարմագրերի հանձնումը Սինգապուրի Հանրապետության նախագահ Հալիմա Յակոբին

27 հունիսի, 2023

Հունիսի 27-ին Սինգապուրում ՀՀ դեսպան Սերոբ Բեջանյանը (նստավայրը՝ Ջակարտա) հավատարմագրերը հանձնեց Սինգապուրի Հանրապետության նախագահ Հալիմա Յակոբին։

Սինգապուրի նախագահը շնորհավորեց դեսպան Բեջանյանին պաշտոնը ստանձնելու կապակցությամբ՝ մաղթելով վերջինիս բեղմնավոր աշխատանք Սինգապուրում:

Շնորհակալություն հայտնելով ջերմ բարեմաղթանքների համար՝ Սերոբ Բեջանյանը վստահեցրեց, որ կներդնի առավելագույն ջանքերը՝ երկկողմ օրակարգն ընդլայնելու համար:

Հանդիպման ընթացքում դեսպան Բեջանյանը հանգամանորեն ներկայացրեց Հարավային Կովկասի տարածաշրջանում տեղի ունեցող զարգացումները՝ շեշտելով 2020թ. ի վեր Հայաստանի Հանրապետության ինքնիշխան տարածքի և Լեռնային Ղարաբաղի ժողովորդի նկատմամբ Ադրբեջանի շարունակվող ագրեսիվ քայլերը։ Առանձին ուշադրություն հրավիրվեց Լեռնային Ղարաբաղը մնացյալ աշխարհին կապող Լաչինի միջանցքի՝ ավելի, քան 6 ամիս շարունակվող ապօրինի արգելափակման և ԼՂ 120.000 ժողովրդի շրջափակված լինելու հանգամանքների վրա։ Ընդգծվեց ԼՂ ժողովրդի նկատմամբ Ադրբեջանի կողմից վարվող բացահայտ էթնիկ զտման քաղաքականության զսպման համար միջազգային հանրության գործուն քայլերի կարևորությունը։

Դեսպան Բեջանյանը ներկայացրեց տարածաշրջանում կայունության և հարատև խաղաղության հասնելու ՀՀ տեսլականն ու այդ ուղղությամբ գործադրվող ջանքերը։

* Բոլոր լուսանկարները տրամադրվել են Սինգապուրի կապի և տեղեկատվության նախարարության կողմից

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր